சொந்த நாட்டிற்கு திரும்பிய ஸ்பானிஷ் மக்கள் விமான விபத்தில் சிக்கி தொடர்ந்து மரணமடைந்துள்ளனர்
பொலிவியாவின் ராணுவ விமானம் விபத்து ஏற்பட்டதில் இரண்டு விமான குழு உறுப்பினர்கள் மற்றும் ஸ்பெயின் குடிமக்கள் 4 பேர் பலியாகியுள்ளனர் என அந்நாட்டு விமான படை தெரிவித்துள்ளது. தென்கிழக்கு நகரமான டிரினிடாட் அருகே பீச் கிராஃப்ட் பரோன் பி-55 எனும் சிறிய ரக ராணுவ விமானம் விபத்துக்குள்ளாகியுள்ளது. கொரோனா தொற்று பரவி வரும் நிலையில் சொந்த நாட்டிற்கு திரும்ப அனுப்பப்பட்ட 4 ஸ்பெயின் மக்கள் இந்த விபத்தில் பலியாகி உள்ளனர். ஸ்பெயின் குடிமக்களை திருப்பி அனுப்புவதற்கு முன்னர் டிரினிடாட் நகரத்திலிருந்து அந்நாட்டின் பெரிய போக்குவரத்து மையமான சாண்டா க்ரூஸ்க்கு மக்களை ராணுவ விமானம் மூலம் கொண்டு செல்லும் பொழுது விபத்து ஏற்பட்டதாக தகவல் தெரிவிக்கப்பட்டுள்ளது.
கொரோனா தொற்று பரவுவதை கட்டுப்படுத்த பொலிவியா நாட்டின் எல்லைகளைமுடியுள்ளனர் இந்த விமான விபத்து தொடர்பாக விசாரிக்கவும் எட்டு நாட்களுக்குள் இது குறித்த அறிக்கையை தாக்கல் செய்யவும் பொலிவியா அதிகாரிகள் குழு ஒன்றை நியமித்து உள்ளனர் என விமானப்படை தெரிவித்துள்ளது. இயந்திரம் செயல் இழந்ததன் காரணமாக விமானம் புறப்பட்டு 12 நிமிடங்களுக்குப் பின்னர் நாட்டில் இருக்கும் விமான நிலையத்திற்கு திரும்புவதற்கு திட்டமிட்டதாக விமானிகள் தெரிவித்துள்ளனர் என முதற்கட்ட விசாரணையில் தெரியவந்துள்ளது. அதனைத் தொடர்ந்து விமானத்துடனான தொடர்பை கட்டுப்பாட்டு அறை இழந்ததை கண்டுபிடித்துள்ளனர்.
