போர் நிறுத்த ஒப்பந்தத்தை மீறிய பாகிஸ்தான் ராணுவம் …காஷ்மீர் எல்லையில் மீண்டும் துப்பாக்கிச் சூடு!!

ஜம்மு காஷ்மீர் மாநிலம் ரஜோரி மற்றும் பூஞ்ச் மாவட்டத்தில் உள்ள எல்லைப் பகுதிகளில் பாகிஸ்தான் ராணுவம் அத்துமீறித் தாக்குதல் நடத்தியுள்ளது. இந்தத் தாக்குதல் புதன்கிழமை (மே6) நள்ளிரவு தொடங்கி, அதிகாலை வரை தாக்குதல் நீடித்துள்ளது.

இது குறித்து  பாதுகாப்புத் துறை செய்தித்தொடர்பாளர் கூறுகையில், “இந்தியா- பாகிஸ்தான் சர்வதேச எல்லைக்கோடு பகுதிகளான ரஜோரி மாவட்டத்திலுள்ள மஞ்சகோட்டே பகுதியில் பாகிஸ்தான் ராணுவம் போர் நிறுத்த ஒப்பந்தத்தை மீறி அத்துமீறித் தாக்குதல் நடத்தியது.

மேலும்  பூஞ்ச் மாவட்டம் பாலக்கோட்டே செக்டார் பகுதியிலும் தாக்குதல் நடத்தியது. பாகிஸ்தான் ராணுவத்தின் இந்தத் தாக்குதலுக்கு நமது இராணுவ வீரர்கள் தக்க பதிலடி கொடுத்தனர்.