சென்னையில் மட்டும் காவல்துறையை சேர்ந்த 100 பேருக்கு கொரோனா தொற்று உறுதி செய்யப்பட்டுள்ளது அதிர்ச்சியை ஏற்படுத்தியுள்ளது.
கொரோனா வைரஸ் தொற்று வேகமாக பரவி வருகிறது. தமிழகம் முழுவதும் பாதிக்கப்பட்டோரின் எண்ணிக்கை நினைத்துகூட பார்க்க முடியாத அளவுக்கு உயர்ந்துள்ளது மக்கள் மத்தியில் அதிர்ச்சியை ஏற்படுத்தியுள்ளது. கொரோனா தடுப்பு நடவடிக்கையில் முன்களப்பணியாளராக செயல்படும் மருத்துவர்கள், செவிலியர்கள், சுகாதாரப் பணியாளர்கள், காவல்துறை என பலரும் பாதிக்கப்பட்டுள்ளனர். கொரோனவை கட்டுப்படுத்தும் நடவடிக்கைகளில் தங்களின் உயிரை பணையம் வைத்து அவர்கள் பணியாற்றுகின்றனர்.
இந்த நிலையில் அதிர்ச்சி அளிக்கக்கூடிய வகையில் சென்னையில் 100 காவலர்களுக்கு கொரோனா பாதிப்பு ஏற்பட்டுள்ளது என்ற அதிர்ச்சியளிக்கும் தகவல் வெளியாகியுள்ளது. சென்னையில் மட்டும் 2 துணை ஆணையர்கள், ஒரு உதவி ஆணையர் உட்பட 100 பேருக்கு கொரோனா பாதிப்பு என்பது உறுதியாகியுள்ளதாக அண்மை தகவல் கிடைத்துள்ளது.