இந்தியாவில் 74 ஆயிரத்தை கொரோனா பாதிப்பு தாண்டியது.
மத்திய சுகாதாரத்துறை வெளியிட்டுள்ள தகவலின்படி, கடந்த 24 மணி நேரத்தில் 3,525 பேருக்கு புதிதாக கொரோனா தொற்று உறுதி செய்யப்பட்டுள்ளது. மேலும், 122 பேர் நேற்று கொரோனவால் உயிரிழந்துள்ளனர். நாடு முழுவதும் கொரோனா பரவலை தடுக்க ஊரடங்கு பிறப்பிக்கப்பட்டு 50வது நாளாக அமலில் உள்ளது.
ஆனால் நாட்டில் நாளுக்கு நாள் கொரோனா பாதித்தவர்கள் எண்ணிக்கை அதிகரித்தபடி உள்ளன. இந்த நிலையில் நேற்று மக்களிடையே உரையாற்றிய பிரதமர் மோடி ஊரடங்கு 4.0 குறித்து மே 18ம் தேதி அறிவிக்கப்படும் என தெரிவித்துள்ளார். இந்த நிலையில் நாடு முழுவதும் பாதிக்கப்பட்டோர் எண்ணிக்கை 74,218 ஆக அதிகரித்துள்ளது.
மேலும் இதுவரை உயிரிழந்தோர் எண்ணிக்கை 2,415 ஆக உயர்ந்துள்ளது. இதுவரை கொரோனாவால் பாதிக்கப்பட்டு குணமடைந்தோர் எண்ணிக்கை 24,386 ஆக அதிகரித்துள்ளது. உலக அளவில் கொரோனா பாதிப்பில் சீனாவிற்கு அடுத்த இடத்தில் இந்தியா உள்ளது. 12வது இடத்தில் உள்ளது. கடந்த 2 நாட்களில் மட்டும் இந்தியாவில் 10 ஆயிரம் பேருக்கு புதிதாக கொரோனா பாதிப்பு உறுதியாகியுள்ளது.