கொரோனா தொற்று பரவல் குறித்த விழிப்புணர்வு வீடியோ ஒன்றை ஜப்பான் வெளியிட்டுள்ளது
கொரோனா தொற்று எந்த அளவுக்கு வேகமாக பரவுகின்றது என்பதை உணர்த்தும் வீடியோ ஒன்றை ஜப்பான் வெளியிட்டுள்ளது. ஜப்பான் நாட்டின் பப்பட் உணவகத்தில் எடுக்கப்பட்ட அந்த வீடியோவில் கொரோனா பரவலை சுகாதார நிபுணர்கள் சுட்டிக்காட்டியுள்ளனர். ஜப்பான் வெளியிடப்பட்ட அந்த வீடியோவில் உணவகத்தின் உள்ளே பத்து நபர்கள் வருகின்றனர். அதில் ஒருவர் கொரோனா தொற்றினால் பாதிக்கப்பட்டவர்.
அவர் அதனை சிறிதும் பொருட்படுத்தாமல் அனைவரிடமும் சகஜமாக பேசுகின்றார். அனைத்து பொருட்களையும் தொடுகின்றார். அவருடன் இருப்பவர்களும் அவர் தொட்ட பொருட்களை தொடுகின்றனர். இறுதியில் நீல ஒளி விளக்கில் உடன் இருந்தவர்களின் உடலில் கொரோனா வைரஸ் இருப்பது காட்டப்படுகின்றது. அதன் பின்னர் அனைவரும் தங்கள் கண், மூக்கை தொடுகின்றனர். இவ்வாறு தொற்று பரவல் குறித்த விழிப்புணர்வை அந்த வீடியோவில் நிபுணர்கள் குறிப்பிட்டுள்ளனர்.
