மாநிலத்தில் இன்று ஒரே நாளில் 234 பேர் குணமடைந்து வீடு திருப்பியுள்ளனர்.
தமிழகத்தில் இன்று மட்டும் 536 பேருக்கு கொரோனா தொற்று உறுதி செய்யப்பட்டுள்ளது. மகாரஷ்டிராவில் இருந்து தமிழகம் வந்த 46 பேருக்கு இன்று கொரோனா உறுதி செய்யபட்டுள்ளது. இதையடுத்து தமிழகத்தில் பாதிக்கப்பட்டவர்களின் எண்ணிக்கை 11,224-ல் இருந்து 11,760 ஆக அதிகரித்துள்ளது. இன்று கொரோனாவால் பாதிக்கப்பட்டவர்களில் 304 பேர் ஆண்கள் மற்றும் 232 பேர் பெண்கள் ஆவர்.
சென்னையில் மட்டும் இன்று ஒரே நாளில் 364 பேருக்கு கொரோனா உறுதி செய்யப்பட்டுள்ளது. இதனால் சென்னையில் பாதிப்புகளின் எண்ணிக்கை 7,000 த்தை தாண்டியுள்ளது. மொத்த எண்ணிக்கை 7,114 ஆக அதிகரித்துள்ளது. இன்று மட்டும் கொரோனவால் உயிரிழந்தவர்களின் எண்ணிக்கை 3 ஆக உள்ளது. இதனால் மொத்த பலி எண்ணிக்கை 81 ஆக அதிகரித்துள்ளது. மேலும் இன்று ஒரே நாளில் 234 பேர் குணமடைந்துள்ளனர். இதன் காரணமாக தமிழகத்தில் கொரோனா பாதிப்பில் இருந்து இதுவரை 4,406 பேர் குணமடைந்து டிஸ்சார்ஜ் செய்யப்பட்டுள்ளனர்.