வளைகுடா நாடுகளில் சிக்கியுள்ள இந்தியர்களை மீட்க மேலும் 58 விமானங்கள் இயக்கப்படும் என மத்திய அமைச்சர் ஹாதீப் சிங் பூரி தெரிவித்துள்ளார்.
வந்தே பாரத் திட்டத்தின் கீழ் 3ம் கட்டத்தில் இயக்க திட்டமிடப்பட்ட விமானங்களின் எண்ணிக்கை 107- ல் இருந்து 165 ஆக உயர்த்தப்படுகிறது என அவர் தெரிவித்துள்ளார். கொரோனா ஊரடங்கு காரணமாக வெளிநாடுகளில் சிக்கித் தவித்த இந்தியர்களை அழைத்து வர மத்திய அரசின் வந்தே பாரத் மிஷன் திட்டம் கொண்டுவரப்பட்டது.
கடந்த மே 7-ம் தேதி முதல் தற்போது வரை 1.07 லட்சம் இந்தியர்கள் தாயகம் அழைத்து வரப்பட்டுள்ளனர். மேலும் இதுவரை முதல்கட்ட வந்தே பாரத் திட்டம் முடிந்து 2-வது கட்டம் நடந்து வருகிறது.இந்த 2-வது கட்ட வந்தே பாரத் திட்டம் மே 17-ம் தேதி முதல் 22-ம் தேதி வரை இருக்கும் என தெரிவித்து பின்னர் ஜூன் 13-ம் தேதி வரை நீட்டிக்கப்பட்டது.
முதல்கட்ட வந்தே பாரத் மிஷன் திட்டம் மே 7-ம் தேதி முதல் 15-ம் தேதி வரை நடத்தப்பட்டது. இதில் 12 நாடுகளில் இருந்து 15 ஆயிரம் இந்தியர்கள் கப்பல், விமானம் மூலம் தாயகம் வரப்பட்டுள்ளனர் என்பது குறிப்பிடப்பட்டுள்ளது.