ஆப்பிரிக்க புலம்பெயர்வோர் மீன்பிடி கப்பல் மூலம் இத்தாலி பயணித்த பொழுது கடலில் மூழ்கி அனைவரும் பலியாகினர்
மீன்பிடி படகு மூலமாக ஆப்பிரிக்க புலம்பெயர்வோர் மத்தியதரை கடலில் இத்தாலி நோக்கி சென்று சென்றுகொண்டிருந்தனர். படகில் ஐம்பதுக்கும் மேற்பட்டவர்கள் பயணம் செய்த நிலையில் துனிசியாவை நெருங்கும் போது திடீரென நீரில் மூழ்கியது. இதனால் பயணம் செய்த அனைவரும் கடலில் மூழ்கி உயிரிழந்தனர். இதனைத்தொடர்ந்து மீட்புக்குழு சென்று உயிரிழந்தவர்களின் உடல்களை மீட்கும் பணியில் ஈடுபட்ட பொழுது முதற்கட்டமாக ஒரு பெண் உட்பட 14 பேர் சடலங்கள் துனிசியா அதிகாரிகளால் மீட்கப்பட்டது.
மீட்கப்பட்ட சடலங்கள் துறைமுக நகரமான சபக்சில் அடக்கம் செய்யப்பட்டது. இதனிடையே இரண்டு சிறுவர்களின் சடலங்கள் உட்பட 22 பேரின் சடலங்கள் கெர்கென்னா தீவில் கரை ஒதுங்கியது. அதோடு கடலில் மிதந்து கொண்டிருந்த 19 சடலங்களை கடற்படை அதிகாரிகளின் குழு மீட்டுள்ளது. மேலும் தேடுதல் வேட்டை தொடர்ந்து நடைபெற்று வருகின்றது. கடந்த ஆண்டும் இதே போன்று 86 ஆப்பிரிக்க புலம்பெயர்வோர் ஐரோப்பிய நாடுகளுக்கு லிபியாவிலிருந்து சென்ற பொழுது படகு கவிழ்ந்து விபத்து ஏற்பட்ட சம்பவம் துனிசியாவில் கோர சம்பவமாகவே பார்க்கப்படுகின்றது
