நடிகர் சுஷாந்த் சிங் மரணத்திற்கு ஆஸ்திரேலிய அணியின் முன்னாள் வீரர் ஷேன் வாட்சன் டுவிட்டரில் இரங்கல் தெரிவித்துள்ளார்
முன்னாள் இந்திய கிரிக்கெட் அணியின் கேப்டன் தோனியின் வாழ்க்கை வரலாற்று படத்தில் ஹீரோவாக நடித்து பிரபலமானவர் சுஷாந்த் சிங். தோனியின் பாடி லாங்குவேஜ், பேட்டிங் ஸ்டைல் என அவரது சிறு சிறு அசைவுகளையும் படத்தில் வெளிப்படுத்தி தோனியாகவே திரையில் வந்த இவரை ரசிகர்களும் தோனியாகவே ரசித்தனர். இந்நிலையில் 34 வயதான சுஷாந்த் சிங் மும்பையில் இருக்கும் தனது வீட்டில் தூக்கிட்டு தற்கொலை செய்துள்ளார். இவரது திடீர் மரணம் பாலிவுட் திரையுலகில் மட்டுமல்லாது அனைவரது மனதிலும் சோகத்தை ஏற்படுத்தியுள்ளது.
I can’t stop thinking about #sushantsinghrajput. It is just so tragic!!! In The Untold Story, at times you forgot whether it was Sushant or MSD. Amazing portrayal and now the world is much poorer with him not here in it. #gonetoosoon pic.twitter.com/pFYz4cD9jK
— Shane Watson (@ShaneRWatson33) June 15, 2020
இதையடுத்து, ஆஸ்திரேலிய அணியின் முன்னாள் வீரர் ஷேன் வாட்சன் சுஷாந்த் சிங் மரணத்திற்கு ட்விட்டர் பக்கத்தில் இரங்கல் தெரிவித்துள்ளார். அதில், ” சுஷாந்த் சிங் பற்றி என்னால் நினைக்காமல் இருக்க முடியவில்லை. அவரது மரணம் மிகவும் துயரமான சம்பவம். தோனி தி அன்டோல்ட் ஸ்டோரி படத்தைப் பார்க்கும் பொழுது சுஷாந்த் சிங் ராஜ்புத்தை பார்க்கிறோமா அல்லது தோனியை பார்க்கிறோமா என்பதையே மறந்து விடுவோம். அந்த அளவிற்கு மிகவும் அற்புதமாக நடித்திருந்தார். தற்போது அவர் இல்லாத இவ்வுலகம் மிகவும் மோசமானது” என குறிப்பிட்டிருந்தார்.
