தமிழ்நாட்டில் இன்று கொரோனா பாதித்த 842 பேர் குணமடைந்து வீடு திரும்பியுள்ளனர்.
கொரோனா பாதிப்பில் இருந்து இதுவரை பேர் 27,624 குணமடைந்து டிஸ்சார்ஜ் செய்ப்பட்டுள்ளனர். இதுவரை குணமடைந்தவர்களின் விகிதம் 55.03% ஆக உயர்ந்துள்ளது. தமிழகத்தில் இன்று ஒரே நாளில் எப்போதும் இல்லாத அளவில் 2,174 பேர் கொரோனாவால் பாதிக்கப்பட்டுள்ளனர். கடந்த 2 வாரங்களாக 1,000த்தை தாண்டிய நிலையில், இன்று ஒரே நாளில் 2,000த்தை தாண்டியுள்ளது.
இதன் காரணமாக மொத்த பாதிப்புகளின் எண்ணிக்கை 50,193 ஆக உயர்ந்துள்ளது. மேலும், இன்று மட்டும் கொரோனாவால் 48 பேர் உயிரிழந்துள்ளனர். இதனால் மொத்த பலி எண்ணிக்கை 576 ஆக அதிகரித்துள்ளது. இறப்பு விகிதம் 1.147% ஆக உள்ளது. இதுவரை கொரோனவால் 30,961 ஆண்கள் ( 61.68% )பாதிக்கப்பட்டுள்ளனர். பெண்கள் 19,212 பேர் (38.27%) பாதிக்கப்பட்டுள்ளனர்.
திருநங்கைகள் 20 பேர் (0.039%) பாதிக்கப்பட்டுள்ளனர். அதிகபட்சமாக சென்னையில் இதுவரை பாதிக்கப்பட்டவர்களின் எண்ணிக்கை 35,556 பேர் பாதிக்கப்பட்டுள்ளனர். இதன் காரணமாக சென்னையில் மொத்த பாதிப்புகளின் விகிதம் 70.83% ஆக அதிகரித்துள்ளது.