சென்னை போயஸ் தோட்டத்தில் உள்ள நடிகர் ரஜினிகாந்த் வெற்றிக்கு வெடிகுண்டு மிரட்டல் விடுக்கப்பட்டுள்ளது.
இன்று காலை 10.30 மணியளவில் மர்மநபர் ஒருவர் ரஜினி வீட்டில் வெடிகுண்டு வெடிக்க போவதாக காவல்துறையின் கட்டுப்பாட்டு அறைக்கு தொடர்பு கொண்டு மிரட்டல் விடுத்துள்ளார். உடனடியாக அப்பகுதி காவல்துறைக்கு கட்டுப்பாட்டு அறையில் இருந்து அதிகாரிகள் தகவல் கொடுத்துள்ளனர். இதையடுத்து வெடிகுண்டு நிபுணர்கள் குழுவை வரவழைத்து ரஜினிகாந்தின் வீட்டில் சோதனை செய்யப்பட்டு வருகிறது.
போயஸ் தோட்டம் பகுதி முழுவதும் மோப்ப நாய்கள் கொண்டு தேடுதல் பணிகள் நடைபெற்று வந்தன. சோதனையில் முடிவில் அது வெறும் புரளி என்பதும் தெரியவந்துள்ளது. இதனிடையே, காவல்கட்டுப்பாட்டு அறைக்கு தொடர்பு கொண்ட நபர் குறித்து விசாரணை நடத்தி வருகின்றனர். சமீப நாட்களாக இதுபோன்ற நபர்கள் பிரபலங்கள் வீடுகளில் வெடிகுண்டு வெடிக்கப்போவதாக மிரட்டல் விடுத்தது வருவதாக கூறப்படுகிறது.