சீனா இந்தியா மோதல் தொடர்பாக தைவான் நாளிதழில் வெளியான புகைப்படம் சமூக வலைதளங்களில் வைரல் ஆகி வருகின்றது
கடந்த மாதம் மேற்கொள்ளப்பட்ட கட்டமைப்பு பணியின்போது சீன நாட்டின் ராணுவம் அத்துமீறி இந்தியாவின் உள்ளே நுழைய தொடங்கியதிலிருந்து சீனா-இந்தியா எல்லையில் பதற்றம் ஏற்படத் தொடங்கியது. கடந்த 15ஆம் தேதி இந்தியாவின் எல்லைப் பகுதியான லடாக்கில் இந்திய-சீன ராணுவ வீரர்கள் இடையே மோதல் ஏற்பட்டது. 20க்கும் மேற்பட்ட இந்திய வீரர்களை சீன ராணுவத்தைச் சேர்ந்தவர்கள் ஆயுதங்களைக் கொண்டு தாக்கி கொலை செய்ததை தொடர்ந்து இரு நாட்டின் இடையே மோசமான நிலை உருவாகியுள்ளது .
50 வருடங்களுக்கு பிறகு இந்தியாவுடன் சீன ராணுவத்திற்கு உருவான இந்த மோதல் ஆசிய கண்டத்தில் பெரும் பரபரப்பை உருவாக்கி அரசியல் களங்களில் பேசும் பொருள் ஆகியுள்ளது. குறிப்பாக தைவான் நாட்டின் நாளிதழில் இந்தியா சீனா மோதல் தொடர்பாக புகைப்படம் ஒன்று வெளியிடப்பட்டு தற்போது சமூக வலைதளங்களில் பிரபலம் ஆகி வருகின்றது.
“நாங்கள் வெல்வோம், உங்களை அழிப்போம்” என்ற தலைப்பில் சீனாவின் ட்ராகனுடன் இந்து கடவுளான ஸ்ரீ ராமர் சண்டை போடுவது போன்ற அந்தப் புகைப்படத்திற்கு விளக்கம் கொடுக்க வேண்டியதில்லை என அரசியல் வட்டாரங்களில் கூறப்படுகின்றது.
