ஜம்மு காஷ்மீர் மாநிலம் ஸ்ரீநகரில் பாதுகாப்பு படையினர் நடத்திய துப்பாக்கி சூட்டில் பாகிஸ்தான் தீவிரவாதிகள் 3 பேர் சுட்டு கொலை செய்யப்பட்டுள்ளனர்.
ஜம்மு காஷ்மீரில் மாகாணம், ஸ்ரீநகர் பகுதிகளில் பாதுகாப்பு படை வீரர்கள், தீவிரவாதிகள் இடையே கடுமையான துப்பாக்கி சண்டை நடைபெற்று வருகிறது. 3 தீவிரவாதிகள் பதுங்கியிருப்பதாக தகவல் வெளியானதை அடுத்து சிஆர்பிஎப் வீரர்கள் மற்றும் உள்ளூர் போலீசார் அப்பகுதிக்கு விரைந்து சென்று தேடுதல் வேட்டையில் ஈடுபட்டுள்ளனர்.
அப்போது தீவிரவாதிகள் சரண்டர் அடைய மறுத்ததால் இருதரப்பிற்கு இடையே சண்டை நடைபெற்று வருகிறது. இந்த நிலையில் இன்று மூன்று தீவிரவாதிகள் சுட்டுக்கொல்லப்பட்டுள்ளனர். அவர்கள், ஜெய்ஷ் இ முகமது தீவிரவாத அமைப்பை சேர்ந்தவர்கள் என காஷ்மீர் போலீசார் தெரிவித்துள்ளனர்.
கொல்லப்பட்ட தீவிரவாதிகளிடமிருந்து ஏ.கே. 47 ரக துப்பாக்கி உள்பட 2 துப்பாக்கிகள் பறிமுதல் செய்யப்பட்டன. ஜம்மு காஷ்மீர் – பாகிஸ்தான் எல்லையில் தீவிரவாதிகளின் ஊடுருவலை தடுக்க பாதுகாப்பை படையினர் தீவிரமாக செயல்பட்டு வருகின்றனர். ஸ்ரீநகரில் இணையதள சேவை முடக்கப்பட்டுள்ளது. கடந்த வியாழக்கிழமை மட்டும் 8 தீவிரவாதிகள் சுட்டு கொள்ளப்பட்டுள்ளது குறிப்பிடத்தக்கது.