டிவி நிகழ்ச்சியில் உரையாடிய கௌதம் கம்பீர் தோனி இல்லை என்றால் விராட் கோலியின் கிரிக்கெட் வாழ்க்கையே முடிந்திருக்கும் என தெரிவித்துள்ளார்
இந்திய கிரிக்கெட் அணியின் முன்னாள் வீரரும் பாஜக எம்பியுமான கவுதம் கம்பீர் ஸ்டார்ஸ் போர்ட்ஸ் நிகழ்ச்சியில் முன்னாள் கிரிக்கெட் வீரர் வி.வி.எஸ்.லட்சுமணனுடன் உரையாடியபோது கூறியதாவது. “2014ஆம் ஆண்டு இங்கிலாந்திற்கு மேற்கொண்ட பயணம் எங்களுக்கு மிகவும் மோசமாகவே இருந்தது. நானும் அந்த தொடரில் விளையாடினேன் நிச்சயமாக தோனிக்கு அந்தத் தொடரில் பாராட்டுகளை நாம் தெரிவித்தாக வேண்டும். காரணம் நிறைய பேரின் கிரிக்கெட் வாழ்க்கையே முடிவுக்கு வந்திருக்கும் அவர் இல்லையென்றால். குறிப்பாக விராட் கோலியை டெஸ்ட் போட்டியில் தோனி தான் ஆதரித்தார்.
தோனி இல்லை என்றால் அந்த தொடர் கோலியின் டெஸ்ட் வாழ்க்கையை முடிந்திருக்கும் என அவர் கூறினார். வி.வி.எஸ் லட்சுமணன் கூறியபோது “கோலி அந்த தொடரில் சரியாக ஆடவில்லை. ஆனால் அடுத்ததாக இங்கிலாந்து சென்றபோது முதல் இன்னிங்சில் அவர் அடித்த சதம் மறக்க முடியாதது. விராட் கோலியின் இன்னிங்ஸ்களில் எனக்கு மிகவும் பிடித்தது அந்த இன்னிங்ஸ் தான் . அந்த ஆட்டத்தின் மூலமே உலக கிரிக்கெட்டின் சூப்பர் ஸ்டாராக விராட் கோலி உருவெடுத்தார்” எனக் கூறினார்.
