நேற்று ஒரே நாளில் மட்டும் உலகம் முழுவதும் உச்சத்தை அடைந்துள்ள கொரோனாவால் பாதிப்பு எண்ணிக்கை 2 லட்சத்தை நெருங்கியது.
சீனாவில் தொடங்கி உலகையே மிரட்டி வரும் கொரோனா வைரஸ் 210க்கும் மேற்பட்ட நாடுகளில் பரவியுள்ளது. உலகம் முழுவதும் கொரோனாவால் 9,904,963பேர் பாதிக்கப்பட்டு, 496,866 பேர் உயிரிழந்துள்ளனர். மொத்தமாக 53,57,840 பேர் சிகிச்சை பெற்று வீடு திரும்பிய நிலையில், 4,050,25 பேர் மருத்துவமனையில் சிகிச்சை பெற்று வருகின்றனர். இதில் 57,643 பேர் இக்கட்டான நிலையில் இருந்து வருகின்றனர்.
நேற்று ஒரே நாளில் இதுவரை இல்லாத அளவாக 1,94,190 பேருக்கு கொரோனா உறுதி செய்யப்பட்டு உலக நாடுகளை மிரள வைத்துள்ளது. நேற்று ஒரே நாளில் மட்டும் 86,241 பேர் குணமடைந்து வீடு திரும்பியுள்ளனர். அதிகபட்சமாக அமெரிக்காவில் 47,341 பேரும், பிரேசில் நாட்டில் 46,907 பேரும், இந்தியாவில் 18,276 பேரும்,ரஸ்சிய நாட்டில் 6,800 பேரும், சவுத் ஆப்பிரிக்கா நாட்டில் 6,215பேரும் கொரோனாவால் பாதிக்கப்பட்டுள்ளனர்.