தமிழகத்தில் இன்று மேலும் 2,357 பேர் கொரோனா பாதிப்பில் இருந்து குணமடைந்துள்ளனர்.
தமிழகத்தில் நாள்தோறும் கொரோனாவால் பாதிக்கப்பட்டவர்களின் எண்ணிக்கை அதிகரித்து கொண்டே வருகிறது.. தினமும் கொரோனா பாதிப்பு குறித்த விவரங்கள் மாலை அறிவிக்கப்பட்டு வருகிறது. இந்நிலையில் தமிழகத்தில் இன்று மேலும் 4,329 பேர் கொரோனா வைரசால் பாதிக்கப்பட்டுள்ளதாக சுகாதாரத்துறை தெரிவித்துள்ளது.. இதனால் தமிழகத்தில் கொரோனா பாதிப்பு 98,392ல் இருந்து 1,02,721 ஆக உயர்ந்துள்ளது.
இதனால் கொரோனா பாதிப்பு 1 லட்சத்தை கடந்துள்ளது.. அதேபோல இன்று ஒரே நாளில் கொரோனாவால் 64 பேர் உயிரிழந்துள்ளனர். இதனால் மொத்த பலி எண்ணிக்கை 1,385 ஆக அதிகரித்துள்ளது.. அதேசமயம் கொரோனா பாதிப்பில் இருந்து இன்று 2,357 பேர் குணமடைந்து வீடு திரும்பியுள்ளனர்..
இதனால் குணமடைந்தவர்களின் எண்ணிக்கை 56, 021 ல் இருந்து 58,378 ஆக அதிகரித்துள்ளது. கொரோனா பாதிப்பு எண்ணிக்கை ஒருபுறம் அதிகரித்து கொண்டே சென்றாலும், மறுபுறம் குணமடைந்து வீடு திரும்புவர்களின் எண்ணிக்கையும் அதிகரித்து செல்வது மக்களுக்கு ஆறுதல் செய்தியாக இருக்கிறது.