கடந்த 4 மாதங்களாக இந்தியாவை நடுங்கச் செய்து வருகிறது கொரோனா வைரஸ். இதன் தாக்கத்தால் நாடு முழுவதும் உயிரிழந்தோரின் எண்ணிக்கை 20 ஆயிரத்தை நெருங்கி கொண்டிருக்கிறது. இதன் கோர பிடிக்கு தமிழகமும் தப்பவில்லை. நாட்டிலேயே அதிக தொற்று கண்டறியப்பட்ட மாநிலங்களின் வரிசையில் மஹாராஷ்டிராவுக்கு அடுத்தபடியாக தமிழகம் உள்ளது. நேற்று வரை மொத்தம் 1,11,151 பேருக்கு கொரோனா தொற்று உறுதி செய்யப்பட்டு 1,450 பேர் உயிரிழந்துள்ளனர்.
இந்நிலையில் இன்றைய கொரோனா பாதிப்பு குறித்த விவரம் வெளியானது. அதில், தமிழகத்தில் மேலும் 3,827 பேருக்கு கொரோனா பாதிப்பு உறுதி செய்யப்பட்டுள்ளது. இதனால் மொத்த எண்ணிக்கை 1,14,978 ஆக அதிகரித்துள்ளது. இன்று மட்டும் 3,793 பேர் குணமடைந்து வீடு திரும்பியதால், 66,571 பேர் இதுவரை கொரோனாவில் இருந்து மீண்டுள்ளனர். ஒரே நாளில் 61 பேர் உரிழந்துள்ளதால், கொரோனாவால் உயிரிழந்தவர்களின் மொத்த எண்ணிக்கை 1,571-ஆக அதிகரித்துள்ளது. தற்போது வரை 46,833 பேர் சிகிச்சை பெற்று வருகின்றனர்.