வெற்றிமாறன் இயக்க இருக்கும் வாடிவாசல் திரைப்படத்தில் இரட்டை வேடத்தில் நடிகர் சூர்யா நடிக்க இருப்பதாக தெரியவந்துள்ளது.
தமிழ் திரையுலகில் முன்னணி கதாநாயகனான சூர்யா நடிப்பில் சென்ற வருடம் காப்பான் என்.ஜி.கே, ஆகிய திரைப்படங்கள் வெளிவந்தன. அதனை தொடர்ந்து சுதா கொங்கரா இயக்கிய சூரரை போற்று திரைப்படத்தில் நடித்து வெளிவர இருந்த நிலையில் கொரோனா ஊரடங்கால் திரைக்கு வருவதற்கு தாமதம் ஆகியுள்ளது. இதனிடையே வெற்றிமாறன் இயக்கத்தில் தனுசை நடித்து வெளிவந்த அசுரன் திரைப்படம் பெரும் வெற்றியை தந்தது.
அதனை தொடர்ந்து வெற்றிமாறன் “வாடிவாசல்” திரைப்படத்தை இயக்கயுள்ளார். ஜல்லிக்கட்டு விளையாட்டை மையமாக வைத்து வாடிவாசல் திரைப்படம் எடுக்கப்பட்டு வருகிறது.மெரினா போராட்டத்தால் உலக அளவில் பிரபலமடைந்த ஜல்லிக்கட்டை மையமாக கொண்டு எடுக்கப்படும் திரைப்படத்தில் சூர்யா நடிக்கயுள்ளது படத்திற்கான எதிர்பார்ப்பை அதிகரிக்க செய்துள்ளது. மேலும் இத்திரைப்படத்தில் தந்தை, மகன், என இருவேடங்களில் சூர்யா நடிக்க இருப்பதாக தகவல் வெளியாகியுள்ளது. .