+2 தேர்வை தவறவிட்ட பன்னிரண்டாம் வகுப்பு மாணவர்களுக்கு தேர்வு தேதி அறிவிக்கப்பட்டுள்ளது.
தமிழகம் முழுவதும் பன்னிரண்டாம் வகுப்பு மாணவர்களுக்கான இறுதி தேர்வு மார்ச் 24-ம் தேதி நடத்தப்பட்டது. வேதியியல், புவியியல் மற்றும் கணக்குப்பதிவியல் பாடங்களுக்கான தேர்வு நடந்தது. இதில் 32,000த்திற்கும் மேற்பட்ட மாணவர்கள் அன்றைய தேர்வில் பங்கேற்கவில்லை. கொரோனா பரவலால் ஊரடங்கு அமல் படுத்தப்பட காரணத்தால் நிறைய பேர் தேர்வில் பங்கேற்க முடியாத சூழல் இருந்தது என்ற ஒரு புகார் எழுந்தது.
தேர்வு எழுத முடியாத மாணவர்களுக்கு மறுதேர்வு நடத்த வேண்டும் என்ற கோரிக்கையும் எழுந்ததால், விடுபட்ட மாணவர்களுக்கு தேர்வு நடத்தப்படும் என கூறப்பட்டது. ஆனால் பல்வேறு கட்டங்களில் தேதி ஒத்தி வைக்கப்பட்டு தற்போது 27 ஆம் தேதி இந்த தேர்வு நடத்தப்படும் என அறிவிப்பு வெளியாகி இருக்கிறது. இதற்காக 13 ஆம் தேதியிலிருந்து 17ஆம் தேதி வரை புதிய நூழைவுச் சீட்டு வழங்கப்படும். www.dge.tn.go.in என்ற இணையத்தில் நூழைவுச் சீட்டு பதிவிறக்கம் செய்து கொள்ளலாம் எனவும் பள்ளிக்கல்வித்துறை தெரிவித்துள்ளது.
பதிவிறக்கம் செய்து கொள்ளலாத மாணவர்கள் பயின்ற பள்ளியை தொடர்பு கொண்டு நுழைவுச்சீட்டை பெற்றுக் கொள்ளலாம். மாணவர்களுக்கு தங்களின் சொந்த பள்ளிகளிலேயே தேர்வு மையங்கள் அமைக்கப்படும்.நோய் கட்டுப்பாட்டு பகுதிகளில் தேர்வு மையங்கள் அமைக்கப்பட்டாது. தேர்வு மையங்களுக்கு மாணவர்கள் செல்வதற்காக தேவைக்கேற்ப பேருந்து வசதிகள் செய்து தரப்படும். நோய் கட்டுப்பாட்டு பகுதியில் வசிக்கும் தேர்வர்கள் தனியறையில் தேர்வு எழுத அனுமதிக்கப்படுவர் என்றும் பள்ளிக்கல்வித்துறை அமைச்சர் செங்கோட்டையன் தெரிவித்துள்ளார்.