தமிழகத்தில் கொரோனாவால் உயிரிழந்தவர்கள் எண்ணிக்கை 2000த்தை நெருங்குவது அதிர்ச்சியை ஏற்படுத்தியுள்ளது.
கடந்த4 மாதங்களாக தமிழகம் கொரோனா தொற்றால் அவதிப் பட்டுக் கொண்டிருக்கின்றது. அரசும் பல்வேறு தடுப்பு பணிகளை மேற்கொண்டு கொரோனாவை கட்டுப்படுத்தும் முயற்சியை மேற்கொண்டாலும், இதன் தாக்கம் நாளுக்கு நாள் உயர்ந்து கொண்டே இருக்கிறது. அதே நேரத்தில் நம்பிக்கை அளிக்கக் கூடிய வகையில் பாதிக்கப்பட்டு சிகிச்சை பெற்ற அதிகமானோர் குணமடைந்து வீடு திரும்பி இருக்கிறார்கள். நேற்றைய நிலவரப்படி தமிழகம் முழுவதும் 1.34 லட்சம் பேர் கொரோனாவால் பாதிக்கப்பட்டு 1,898 பேர் உயிரிழந்துள்ளனர்.
அதிகபட்ச உயிரிழப்பாக தலைநகர் சென்னையில் 1,218 பேரும், செங்கல்பட்டு மாவட்டத்தில் 154 பேரும், திருவள்ளூர் மாவட்டத்தில் 122 பேரும், மதுரை மாவட்டத்தில் 111 பேரும் இறந்துள்ளனர். இந்த நிலையில் இன்றைய கொரோனா பாதிப்பு குறித்த தகவலை தமிழக சுகாதாரத்துறை வெளியிட்டுள்ளது. அதில், தமிழகத்தில் இன்று மட்டும் 4,244 பேருக்கு கொரோனா உறுதி செய்யப்பட்டுள்ளது. இதனால் தமிழகத்தில் கொரோனா தொற்றால் பாதிக்கப்பட்டோர் எண்ணிக்கை 1,38,470 ஆக அதிகரித்துள்ளது.