சென்னையில் கொரோனாவின் தாக்கம் குறைந்து வரும் நிலையில், பிற மாவட்டங்களில் இதன் பரவல் அதிகரித்து வருகிறது. குறிப்பாக தூங்கா நகரம் என்று அழைக்கப்படும் மதுரை… கொரோனா நகரமாக மாறியுள்ளது. நினைத்து பார்க்க முடியாத அளவுக்கு தினமும் தொற்றுக்குள்ளானோர்எண்ணிக்கை உறுதி செய்யப்பட்டு வருவது மக்களை அதிர்ச்சி அடைய வைத்தது. இந்த நிலையில் கொரோனாவை கட்டுப்படுத்த மதுரை மாநகராட்சிக்கு உட்பட்ட பகுதிகளில் ஒரு உத்தரவு பிறப்பிக்கப்பட்டிருந்தது.
கடந்த ஞாயிற்றுக்கிழமையோடு முடிவடைந்த முழு ஊரடங்கை மேலும் இரண்டு நாளைக்கு நீட்டித்து தமிழக அரசு உத்தரவிட்டுள்ளது. அதன்படி நேற்றோடு மதுரை மாநகராட்சி முழுவதும் பிறப்பிக்கப்பட்டுள்ள ஊரடங்கு உத்தரவு நிறைவடைய நிலையில் இருக்கும் நிலையில் இன்று முதல் வழக்கமான தளர்வுகளுடுன் ஊரடங்கு நடைமுறையில் இருக்கும் என மாவட்ட ஆட்சியர் அறிவித்துள்ளார்.
மதுரையில் நடைமுறையிலிருந்த முழு ஊரடங்கு நிறைவடைந்ததை அடுத்து இந்த அறிவிப்பு வெளியாகியுள்ளது. ஏற்கனவே பல்வேறு மாவட்டங்களில் அமலில் ஊரடங்கு தளர்வு விதிமுறைகள் இன்று முதல் அமுலாகும் என்று சொல்லப்படுகிறது.