“பிக் பாஸ்” சீசன் 4 தொடங்க வாய்ப்புள்ளதாக ஒரு வதந்தி பரவி வரும் நிலையில் விஜய் டிவி விளக்கம் கொடுத்துள்ளது.
சின்னத்திரை ஷூட்டிங்க்கு அனுமதி வழங்கப்பட்ட நிலையில், முக்கிய சீரியல்களின் புதிய படப்பிடிப்பும் தொடங்கியுள்ளன. நெடுந்தொடர்களைப் போன்று “ரியாலிட்டி சோ” க்களுக்கும் பார்வையாளர்கள் மத்தியில் மிகுந்த வரவேற்பு உள்ளது. இந்த நிலையில் விஜய் டிவியில் பிக்பாஸ் சீசன்-4 வருமா ? வராதா ? என்பது தற்போது ஒரு பெரும் கேள்விக்குறியாக இருக்கிறது. கமல்ஹாசன் எடுத்து தொகுத்து வழங்கும் இந்நிகழ்ச்சியின் சீசன்-4 எப்போது திரைக்கு வரும் என சேனல் தரப்பில் விசாரித்தபோது, ‘‘சென்னையில் கொரோனா பாதிப்பின் நிலை குறைந்தால் மட்டுமே பிக்பாஸ் போன்ற நிகழ்ச்சிகளைத் தொடர முடியும். இப்போதைய சூழ்நிலையில் அதற்கு வாய்ப்பு குறைவுதான்.
பிக் பாஸ் போன்ற நிகழ்ச்சிகளின் தயாரிப்பு வேலைகளில் 300க்கும் மேற்பட்ட நபர்கள் பணியாற்ற வேண்டும். குறைந்தது 2 மாதங்கள் முன்பே திட்டமிட வேண்டும். ஆகவே, இன்றைய கொரோனா சூழலில் அதற்குச் சாத்தியம் இல்லை. அரசுத் தரப்பில் அந்த அளவுக்கு நபர்கள் பணியாற்ற வாய்ப்பும் இல்லை. ஆகவே சென்னையின் நிலை இயல்புக்கு வந்த பின்தான் பிக்பாஸ் நிகழ்ச்சியைப் பற்றிப் பேச முடியும்!’’ என்றனர். விஜய் டிவி சேனல் பதிலைப் பார்க்கும்போது இந்த வருடம் பிக் பாஸ் நிகழ்ச்சி நடப்பதற்கு வாய்ப்புகள் மிகவும் குறைவு என்றே நம்பப்படுகிறது.