எங்களை மறுத்ததால் இந்திய அணியின் நிகழ்ச்சியையே ரத்து செய்தவர் தோனி என நெகிழ்ச்சியுடன் கூறியுள்ளார் கேரி கர்ஸ்டன்.
இந்திய அணியின் முன்னாள் கேப்டனும் பயிற்சியாளர் கேரி கர்ஸ்டனின் பயிற்சியின் கீழ் 2011ம் ஆண்டு உலகக் கோப்பையை வென்றவருமான எம்எஸ் தோனி பற்றிய ஒரு சம்பவத்தை முன்னாள் பயிற்சியாளர் கேரி கிர்ஸ்டன் பகிர்ந்துள்ளார். “தோனி கேப்டன் நிதானமானவர் அதேசமயம் உறுதியானவர் கூட என்று பலரும் கூறுவதைக் கேட்டிருப்போம். ஆனால் அணியை சேர்ந்த ஒருவருக்கு ஒன்று என்றால் கூட நிற்கும் குணம் கொண்டவர் தோனி, நான் சந்தித்தவர்களில் மிகவும் பிரமாதமான மனிதர் தோனி. அவர் சிறந்த தலைவர் என்பதை விட அவரது விசுவாசம் மிகப் பெரியது.
இந்த ஒரு சம்பவத்தை என்னால் மறக்க முடியாது. 2011 உலகக் கோப்பைக்கு சற்று முன் நாங்கள் அணியாக பெங்களூரில் உள்ள பிளைட் ஸ்கூலுக்கு செல்ல வேண்டி அழைப்பு ஒன்று வந்திருந்தது எங்கள் பயிற்சியாளர் குழுவில் இருந்த தோனி உட்பட அந்த ஸ்கூலுக்கு போக அணி வீரர்கள் அனைவரும் தயாராக இருந்தோம். அப்போது பாதுகாப்பு காரணங்களுக்காக நான் பேடி அப்டன், எரிக் சிம்மன்ஸ் மூவரும் அனுமதிக்கப்பட மாட்டார்கள் என்று தகவல் அனுப்பியிருந்தனர். இதை பார்த்த தோனி அந்த நிகழ்ச்சியையே ரத்து செய்துவிட்டார். ” இவர்களும் எம் மனிதர்கள் இவர்கள் அமைக்கப்படவில்லை என்றால் யாரும் போக வேண்டியதில்லை” என்று தோனி கூறினார். “இதுதான் தோனி” என்று கேரி கர்ஸ்டன் நெகிழ்ச்சியாக கூறியுள்ளார்.