பிரபல நடிகை ரம்யா நம்பீசன் புதுமையான வகையில் யூடியூப் தொடர் ஒன்றை தொடங்கியுள்ளார்.
பிரபல நடிகையாகவும், சொந்தக்குரலில் இனிமையாக பாடும் திறன் கொண்ட சிறந்த பாடகியாகவும் திகழ்பவர் ரம்யா நம்பீசன். தற்போது அடுத்த கட்ட முயற்சியாக டைரக்டர் பத்ரி வெங்கடேஷ் உடன் இணைந்து “ரம்யா நம்பீசன் என்கோர்” என்ற பெயரில் புதிதாக இணையதள தொடரை தொடங்கியுள்ளார். இந்நிகழ்ச்சிக்கு “சூரிய அஸ்தமன குறிப்பேடுகள்” என பெயர் சூட்டப்பட்டுள்ளது. இதுகுறித்து அவர் கூறுகையில்
“நம்மை சுற்றி இருக்கும் அற்புதமான மனிதர்களால் உருவாக்கப்பட்ட சில அழகிய தருணங்களை பல்வேறு பணிகளுக்கு இடையே கவனிக்காமல் இருக்கிறோம். இதை வருங்காலத்தில் தான் உணர்கிறோம். இதன் அடிப்படையில் உருவாக்கப்பட்டதுதான் இந்த தொடர். இதை பார்ப்பவர்கள் தங்களை அடையாளப்படுத்தி புதுப்பித்து கொள்வார்கள். எனது யூடியூப் சேனலில் அழகுடன் கூடிய இதுபோன்ற நிகழ்ச்சிகளையும் தொடர்ந்து கொடுப்பேன்” என்று நடிகை ரம்யா நம்பீசன் தெரிவித்துள்ளார்.