எல்லாத்தையும் சேர்த்துட்டோம்…. அதிர வைத்த ரிப்போர்ட்…. அரண்டு போன மக்கள் …!!

தமிழகத்தில் இன்று இதுவரை இல்லாத புதிய உச்சமாக 5,849 பேருக்கு கொரோனா தொற்று உறுதி செய்யப்பட்டதால் மொத்த பாதிப்பு  1,86,492 ஆக அதிகரித்துள்ளது. இன்று மட்டும் 4,910-பேர் குணமடைந்து வீடு திரும்பியதால் இதுவரை 1,31,583 பேர் கொரோனாவில் இருந்து மீண்டுள்ளனர். அதிகபட்சமாக சென்னையில் இன்று மட்டும் 1,171 பேருக்கு கொரோனா உறுதி செய்யப்பட்டதால் மொத்த பாதிப்பு 89,561ஆக உயர்ந்துள்ளது. தமிழகத்தில் இதுவரை இல்லாத எண்ணிக்கையில் இன்று மட்டும் 58,475 பேருக்கு பரிசோதனை செய்யப்பட்டுள்ளது.

இதனால் 20,15,147 பேருக்கு கொரோனா பரிசோதனையை செய்துள்ளது தமிழகசுகாதாரத்துறை. தமிழகத்தில் இன்று ஒரே நாளில் 74 பேர் உயிரிழந்துள்ளதால் மொத்த பலி 3,144 ஆக அதிகரித்துள்ளது. இன்று மட்டும் வெளிநாடுகளில் மற்றும் வெளிமாநிலத்தில் இருந்து வந்த 74 பேர் தொற்று உறுதி செய்யப்பட்டுள்ளது.இதனால் தமிழகத்தில் சிகிச்சை பெற்று வருபவர்கள் எண்ணிக்கை 51,765ஆக உள்ளது.

கொரோனா தொற்று பாதிக்கப்பட்ட  70.56 % பேர் இதுவரை குணமடைந்துள்ளனர். தமிழக்த்தில்  கடந்த மார்ச் 1ஆம் தேதி முதல் ஜூன் 10ஆம் தேதி வரையில் விடுப்பட்ட மரணங்களின் எண்ணிக்கை 444 இன்றைய கொரோனா குறித்த அறிவிப்பில் சேர்க்கப்பட்டுள்ளதால் இன்று மட்டும் 518 மரணங்கள் அறிவிக்கப்பட்டுள்ளன.