தன்னுடைய இன்ஸ்டாகிராம் பக்கத்தில் ஆயிரமாவது பதிவு செய்துள்ள விராட் கோலி அதனால் மனம் நெகிழ்ந்துள்ளார்.
சமூக வலைத்தளமான இன்ஸ்டாகிராமில் இந்திய கிரிக்கெட் அணியின் கேப்டனான விராட் கோலி அவ்வப்போது வித்தியாசமான புகைப்படத்தையும், சில ருசிகரமான தகவல்களையும் பதிவிட்டு வருகிறார். 6 கோடியே 95 லட்சம் பேர் இவரது இன்ஸ்டாகிராம் பக்கத்தை பின் தொடர்கின்றனர். இந்நிலையில் 2008-ம் ஆண்டில் தன் கிரிக்கெட்டில் அறிமுகமான போது எடுத்த புகைப்படத்தையும் தற்போதைய புகைப்படத்தையும் இணைத்து விராட் கோலி நேற்று வெளியிட்டுள்ளார்.
அதில் அவர் கூறியதாவது, “2008 முதல் 2020 வரையான கிரிக்கெட் வாழ்க்கை பயணத்தில் நிறைய விஷயங்களை கற்றுக் கொண்டிருக்கிறேன். என் மீது ரசிகர்களாகிய நீங்கள் வைத்துள்ள அன்பிற்கும், ஆதரவிற்கும் நான் என்றும் கடமைப்பட்டுள்ளேன். மேலும் இது என்னுடைய 1000வது இன்ஸ்டாகிராம் பதிவு என கூறி மகிழ்ச்சி அடைந்துள்ளார்”. மூத்த வீரரான ஹர்பஜன் சிங் இது 2030 ஆம் ஆண்டு வரை தொடர வேண்டும் என வாழ்த்தியுள்ளார்.