இலங்கையில் வங்காளதேசம் டெஸ்ட் தொடரை நடத்த பேச்சுவார்த்தை மேற்கொள்ள இருக்கின்றனர்.
அக்டோபர்- நவம்பரில் டி20 உலக கோப்பை கிரிக்கெட் தொடரை ஆஸ்திரேலியாவில் நடத்தப் ஐசிசி ஏற்பாடு செய்திருந்தது. இப்போட்டிக்கான அட்டவணை தயார் செய்யப்பட்டிருந்தது. இருப்பினும் கொரோனா பாதிப்பு காரணமாக தற்போது இந்த தொடரை ஒத்தி வைத்துள்ளனர். இந்த நேரத்தில் பிசிசிஐ ஐபிஎல் தொடரை நடத்த திட்டமிட்டுள்ளது. செப்டம்பர், அக்டோபர், நவம்பரில் ஐக்கிய அரபு அமீரகத்தில் ஐபிஎல் தொடர் நடைபெற உள்ளது. இலங்கை மற்றும் பங்களாதேஷ் அணி வீரர்கள் ஐபிஎல் போட்டியில் அதிக அளவில் இடம் பெறவில்லை.
ஜூலை மாதம் வங்காளதேசம் இலங்கை சென்று 3 போட்டிகள் கொண்ட டெஸ்ட் தொடரில் விளையாட இருந்தன. ஆனால் கொரோனா பரவல் காரணமாக இத்தொடரை ஒத்தி வைத்திருந்தனர். தற்போது வங்காளதேசம் அந்தத் தொடரை நடத்த விரும்புகின்றது. அக்டோபர் மாதத்தில் மூன்று டெஸ்ட் போட்டிகளை நடத்த வங்காளதேசம் இலங்கையுடன் பேசுகிறது. கொரோனா பாதிப்பு மிகவும் குறைவாக இருக்கும் நாடுகளில் இலங்கையும் ஒன்று. எனவே இலங்கை சென்று விளையாடுவதில் எந்தப் பிரச்சினையும் இருக்காது. ஆசிய கண்டத்தில் கிரிக்கெட்டை தொடங்க இதைவிட வேறு எந்த நாடும் சாதகமாக இருக்காது, என வங்காளதேசம் தெரிவித்துள்ளது.