ஆற்றில் குளிப்பதற்காக சென்ற வெற்றிலை வியாபாரி நீரில் மூழ்கி உயிரிழந்த சம்பவம் சோகத்தை ஏற்படுத்தியுள்ளது.
திருவாரூர் மாவட்டம் மேட்டுப்பாளையம் என்ற பகுதியில் சாகுல் ஹமீது(30) என்பவர் மனைவி மற்றும் இரு குழந்தைகளுடன் வசித்துவருகிறார். அவர் அப்பகுதியிலேயே வெற்றிலை வியாபாரம் செய்து கொண்டிருக்கிறார். வழக்கம் போல் நேற்று முன்தினம் மதியம் சாகுல் ஹமீது வெற்றிலை வியாபாரம் செய்ய கங்களாஞ்சேரி பகுதிக்கு சென்றிருந்தார். வேலைக்கு சென்ற அவர் நேற்று மதியம் முதல் வீட்டுக்கு வரவில்லை என அவரது குடும்பத்தினரும் நண்பர்களும் தேடி அலைந்தனர்.
இந்நிலையில் நேற்று காலை கங்களாஞ்சேரி பகுதியில் உள்ள வெட்டாற்றில் அவர் சடலமாக கிடந்திருக்கின்றார். இதனை அறிந்த ஊர் மக்கள் நன்னிலம் காவல் நிலையத்திற்கு தகவல் அளித்தனர். தகவல் அறிந்து சம்பவ இடத்திற்கு விரைந்த காவல்துறையினர் அவரது உடலை மீட்டு உடற்கூறு ஆய்வுக்காக அரசு மருத்துவமனைக்கு அனுப்பி வைத்துள்ளனர்.
இதனைத் தொடர்ந்து காவல்துறையினர் விசாரணை மேற்கொண்டதில், வெற்றிலை வியாபாரம் செய்வதற்காக சென்ற சாகுல் ஹமீது நேற்று முன்தினம் மதியம் ஆற்றில் குளித்துக் கொண்டிருந்த போது அவருக்கு வலிப்பு வந்து தண்ணீரில் மூழ்கி இருக்கலாம் என முதற்கட்ட விசாரணையில் தெரியவந்துள்ளது.. இந்நிலையில் காவல்துறையினர் வழக்குப்பதிவு செய்து சம்பவம் பற்றி விசாரணை நடத்திக் கொண்டிருக்கின்றனர்.