இந்தியாகொள்முதல் செய்துள்ள ரஃபேல் போர் விமானம் பிரான்சில் இருந்து இந்தியாவிற்கு புறப்பட்டது.
கடந்த 2016 ஆம் ஆண்டு இந்தியா, பிரான்ஸ் நாட்டின் டசால்ட் விமான நிறுவனத்துடன், 36 ரஃபேல் போர் விமானங்களை பெற ஒப்பந்தமிட்டது. இதன்படி, சென்ற ஆண்டு அக்டோபர் மாதம், ஃபிரான்ஸ் சென்றிருந்த பாதுகாப்புத் துறை அமைச்சர் ராஜ்நாத் சிங், ரபேல் விமானங்களை முறைப்படி வாங்கிக்கொண்டார். இந்நிலையில், மே மாதம் வர இருந்த ரஃபேல் விமானங்களின் வருகை,கொரோனா ஊரடங்கு காரணமாக தாமதமானது.
இதற்கிடையே முதல்கட்டமாக பிரான்ஸ் நாட்டில் இருந்து அதி நவீன 5 ரஃபேல் போர் விமானங்கள், இன்று பிரான்சில் இருந்து இந்தியாவுக்கு புறப்பட்டது. ரஃபேல் போர் விமானங்கள் ஹரியானாவின் அம்பாலாவில் உள்ள இந்திய விமானப்படை தளத்தில் ஒப்படைக்கப்பட்டு, வரும் 29ம் தேதி இந்திய விமானப்படையில் அவை சேர்க்கப்படுகிறது. ரஃபேல் போர் விமானங்களை இயக்கிக் கொண்டு இந்தியா வருவது இந்திய விமானிகளே என்பது குறிப்பிடத்தக்கது.