கனமழை காரணமாக கேரளாவின் இடுக்கி மாவட்டத்திற்கு ரெட் அலார்ட் எச்சரிக்கை விடுக்கப்பட்டுள்ளது.
கேரள மாநிலத்தின் தெற்கு மற்றும் மத்திய பகுதிகளில் நேற்று கனமழை பெய்தது. கனமழை காரணமாக கொச்சியின் பல்வேறு இடங்களில் குறிப்பாக தாழ்வான பகுதிகளில் மழைநீர் வெள்ளம் போல் காட்சியளித்தது. இதனால் மக்கள் கடும் சிரமம் அடைந்தனர். இதனிடையில் இடுக்கி மாவட்டத்திற்கு ரெட் அலார்ட் எச்சரிக்கை விடுக்கப்பட்டுள்ளது.
கோட்டயம், எர்ணாகுளம், மலப்புரம், கண்ணனூர், திர்சூர் மற்றும் பாலக்காடு ஆகிய மாவட்டங்களுக்கு ரெட் அலார்ட் எச்சரிக்கையை வானிலை ஆய்வு மையம் விடுத்துள்ளது. மணிக்கு 40 முதல் 50 கிலோ மீட்டர் வேகத்தில் பலத்த காற்று வீசும் என்பதால் கேரள கடற் கரையோரம் வசிக்கும் மக்கள் பாதுகாப்பாக இருக்க வேண்டும் என்று அறிவுறுத்தப்பட்டுள்ளது. மீனவர்கள் கடலுக்கு செல்ல வேண்டாம் என்றும் எச்சரிக்கை விடுக்கப்பட்டுள்ளது.