ஹைதராபாத்தில் 130 கிலோ எடை கொண்ட ஆடு பக்ரீத் பண்டிகைக்கு குர்பானிக்காக பலி கொடுக்கப்படுகிறது.
ஹைதராபாத்தில் பால், பழம், தானியங்கள் கொடுத்து வளர்க்கப்பட்ட 130 கிலோ எடையுள்ள ஆடு ஒன்றினை பக்ரீத் பண்டிகைக்கு குர்பானிக்காக ஹைதராபாத்தை சேர்ந்த ஒரு குடும்பத்தினர் பலி கொடுக்க இருக்கின்றனர். இதுபற்றி அந்த ஆட்டின் உரிமையாளர் முகமது சர்வார் கூறுகையில், “வருடம் தோறும் பக்ரீத் பண்டிகை அன்று ஆரோக்கியமாகவும் மற்றும் வலிமையுடன் இருக்கக்கூடிய விலங்குகளை கடவுளுக்கு படைப்பது வழக்கம். அவ்வாறு செய்வதனை பல வருடங்களாக எங்கள் குடும்பத்தினர் பின்பற்றி வருகின்றோம். இதனைத் தொடர்ந்து பியாரி முகமது என்ற பெயரில் நாங்கள் வளர்த்த ஆடு இந்த ஆண்டு பக்ரீத் பண்டிகைக்கு பலி கொடுக்க உள்ளது. ஆப்பிள், பால், உலர்ந்த பழங்கள் மற்றும் தானியங்கள் என்று பல்வேறு ஆரோக்கியம் நிறைந்த உணவுகளை கொடுத்து மிகவும் நன்றாக வளர்த்திருக்கின்றோம்.
அதன் எடையானது 128 முதல் 136 கிலோ வரையில் இருக்கும். தினமும் அதனுடன் இரண்டு முறை நடைபயிற்சி மேற்கொள்வோம். இவ்வாறு வளர்ந்து வந்த பியாரி முகமது இறைவனின் பெயரால் தனது உயிரை பக்ரீத் நாளன்று தியாகம் செய்ய இருக்கிறான். எங்களின் இத்தகைய காணிக்கையை முழுவதுமாக ஏற்றுக்கொண்டு, தற்போது உலகம் முழுவதும் அச்சுறுத்திக் கொண்டிருக்கும் கொரோனா பாதிப்பிலிருந்து அனைத்து மக்களையும் மீட்பதற்கு உதவி புரிவார் என நம்புகின்றோம்” என்று கூறியுள்ளார். மேலும் ‘விளையாட்டி’ என்ற இனத்தைச் சேர்ந்த இந்த ஆடு 1.50 லட்சம் மதிப்புடையது.