நேற்று ஜெனிவாவில் செய்தியாளர்களை சந்தித்த உலக சுகாதார அமைப்பின் அவசரகால திட்ட செயல் இயக்குனர் மைக்கேல் ரயான் இந்தியாவை புகழ்ந்து தள்ளினார். இதுகுறித்து செய்தியாளர்களிடம் பேசிய அவர், கொரோனாவுக்கு எதிரான போரில் சக்திவாய்ந்த தடுப்பூசியை உருவாக்குவதில் இந்தியா முன்னணி வகிக்கிறது. கொரோனவை முடிவுக்கு கொண்டுவரும் சக்திவாய்ந்த மருந்துகளையும் தயாரித்து வரும் இந்தியா, சர்வதேச அளவில் முக்கிய பங்காற்றுகிறது. இந்தியாவில் கொரோனா பாதிப்பு அதிகம் இருப்பது உண்மை தான். 130 கோடி மக்கள் தொகையை கொண்ட பெரிய நாடு இந்தியா என்ற கண்ணோட்டத்தில் அதை பார்க்க வேண்டும்.
ஒரு நாளைக்கு சராசரியாக 5 லட்சம் மாதிரிகளை பரிசோதனை செய்துள்ள இந்தியா… இதுவரை இரண்டு கோடி மாதிரிகளை பரிசோதனை செய்துள்ளது என்று புகழாரம் சூட்டினார். ஒவ்வொரு நாளும் கொரோனா பரிசோதனையின் மையங்களும் அதிகரித்துக்கொண்டே வருகிறது. இந்தியாவில் கிராமப்புறங்களில்கொரோனா பரவி வருவது கவலை அளிக்கும் விஷயமாக இருக்கிறது. அங்குள்ள இளைஞர்களையும் இது பாதிக்கிறது. நோய் பரவலை தடுப்பதுடன் நோயாளிக்கு சிகிச்சை அளிப்பதிலும் முக்கிய கவனம் செலுத்த வேண்டும் என்று அவர் தெரிவித்தார்.