உலகம் முழுவதும் அசுர வேகத்தில் பரவி வரும் கொரோனா தொற்றின் எண்ணிக்கை 7 இலட்சத்தை எட்டியுள்ளது.
சீனாவில் ஹூபேய் மாகாணம் வுகான் நகரில் கடந்த ஆண்டு டிசம்பர் மாதம் கொரோனா வைரஸ் கண்டுபிடிக்கப்பட்டதில் இருந்து, இந்த வைரஸ் தற்போது உலகின் 213 நாடுகள் பிரதேசங்களுக்கு பரவி பெரும் மனித பேரழிவை ஏற்படுத்தி வருகிறது. இந்த வைரஸ் தொற்றுக்கு தடுப்பு மருந்து கண்டுபிடிக்க விஞ்ஞானிகள் தீவிர முயற்சி செய்து வருகின்றனர். ஆனாலும் கொரோனாவின் தாக்கம் நாளுக்கு நாள் அதிகரித்துக் கொண்டே தான் செல்கிறது. இந்த நிலையில், உலகம் முழுவதும் கொரோனாவால் உயிரிழந்தவர்களின் எண்ணிக்கை 7 லட்சத்தை நெருங்கி விட்டது.
இன்று வரைக்கும் உள்ள நிலவரப்படி, 1,84,34,389 பேருக்கு கொரோனா தொற்று உறுதி செய்யப்பட்டுள்ளது.
வைரஸ் தொற்றால் பாதிக்கப்பட்டு 60,72,867 பேர் சிகிச்சை பெற்று வருகின்றனர். இதில் 64,732 பேரின் நிலைமை மோசமாக உள்ளது.
கொரோனாவில் இருந்து 1,15,00,000 க்கும் அதிகமானோர் சிகிச்சைக்கு பின் குணமடைந்து வீடு திரும்பியுள்ளனர். ஆனாலும், உலகம் முழுவதும் இந்த வைரஸ் தாக்குதலுக்கு இதுவரை 6,96,800 பேர் உயிரிழந்து உள்ளனர். இந்தக் கொடூர கொரோனாவுக்கு அதிக உயிரிழப்பை சந்தித்த நாடுகள்:-” அமெரிக்கா – 1,58,912, பிரேசில் – 94,702, இங்கிலாந்து-46,210 , இந்தியா- 38,135
இத்தாலி – 35,166, பிரான்ஸ் – 30,294
ஸ்பெயின் – 28,472,மெக்சிகோ – 47,746,”