விழுப்புரம் மாவட்டம் செஞ்சியில் கொரோனா பாதித்தவரின் உடலை அடக்கம் செய்ய எதிர்ப்பு எழுந்த நிலையில் தன்னார்வலர்கள் உதவியோடு உடல் அடக்கம் செய்யப்பட்டது.
விழுப்புரம் மாவட்டம் மேல் இடையாள பகுதியைச் சேர்ந்த 52 வயதுடைய நபர் கொரோனா தொற்றால் உயிரிழந்தார். அவரது உடலை சொந்த ஊரில் புதைக்க ஏற்பாடு செய்யப்பட்டதற்கு ஊர் மக்கள் எதிர்ப்பு தெரிவித்தனர். இதனால் அவரின் சடலம் செஞ்சி அரசு மருத்துவமனை வாசலில் முன்பு நிறுத்தி வைக்கப்பட்டது.
இந்த சூழலில் STPI மற்றும் தமமுக உள்ளிட்ட அமைப்புகளைச் சேர்ந்த தன்னார்வலர்கள் சடலத்தை அடக்கம் செய்ய முன்வந்தனர். இதையடுத்து உயிரிழந்தவரின் உடல் தகுந்த பாதுகாப்புடன் அடக்கம் செய்யப்பட்டது. சடலத்தை அடக்கம் செய்ய முன்வந்தவர்களுக்கு உயிரிழந்தவர்களின் குடும்பத்தினர் கண்ணீர் மல்க நன்றி தெரிவித்தனர்.