13 வயது சிறுமியை தனது நண்பருடன் இணைந்து பாலியல் பலாத்காரம் செய்த இளைஞர் உள்பட இருவரை போலீசார் போக்ஸோ சட்டத்தின் கீழ் கைதுசெய்து சிறையிலடைத்தனர்.
கோவை கவுண்டம்பாளையம் பிரபு நகர் பகுதியைச் சேர்ந்தவன் சந்தோஷ். வயது 23 ஆகிறது.. இவன் அங்குள்ள ஒரு தனியார் மினரல் வாட்டர் நிறுவனத்தில் வேலைபார்த்து வருகிறான். இவன் பெரியநாயக்கன்பாளையத்தைச் சேர்ந்த 13 வயதுடைய சிறுமியைக் காதலிப்பதாக ஆசை வார்த்தை கூறி பல நாள்களாக அவருடன் மிகவும் நெருங்கி பழகி வந்துள்ளார்.
இந்தநிலையில், நேற்று வெளியில் செல்லலாம் என்று கூறி, கவுண்டபாளையம் அருகே இருக்கும் குப்பை கிடங்கு பகுதிக்கு சிறுமியை அழைத்துச் சென்றுள்ளான் சந்தோஷ்.. அங்கு ஏற்கனவே காத்திருந்த சந்தோஷின் நண்பனான சதீஷ் என்பவனும்சேர்ந்து, சிறுமியை வலுக்கட்டாயமாக மிரட்டி பாலியல் பலாத்காரம் செய்துள்ளனர்.
இந்த சம்பவம் குறித்து இன்று அந்த சிறுமி கொடுத்த புகாரின்பேரில் வழக்குப்பதிவு செய்த துடியலூர் அனைத்து மகளிர் போலீசார், சந்தோஷ் மற்றும் அவரது நண்பர் சதீஷ் இருவரையும் கைதுசெய்து, போக்சோ சட்டத்தின் கீழ் வழக்கு பதிவு செய்து கோவை மத்திய சிறையில் அடைத்தனர்.