உலகம் முழுவதும் கொரோனா எண்ணிக்கை அதிகரித்து வரும் நிலையில் பிரேசில் நாட்டில் மட்டும் பலியானவர்களின் எண்ணிக்கை ஒரு லட்சத்தை நெருங்கியுள்ளது.
சீனாவில் தொடங்கிய கொரோனா வைரஸ் தற்போது உலகின் 213 நாடுகளுக்கு பரவி பெரும் மனித பேரழிவை ஏற்படுத்தி வருகிறது. இந்த வைரசுக்கு தடுப்பு மருந்து கண்டுபிடிப்பதற்காக விஞ்ஞானிகள் தீவிர முயற்சியை மேற்கொண்டு வருகின்றனர். இந்தக் கொடூர கொரோனா வைரஸால் நாளுக்கு நாள் பாதிப்பு எண்ணிக்கை அதிகரித்துக் கொண்டே செல்கிறது. இந்த நிலையில், உலகம் முழுவதும் கொரோனாவால் உயிரிழந்தவர்களின் எண்ணிக்கை 7, 22,000ஐ கடந்து விட்டது. குறிப்பாக பிரேசில் நாட்டில் கொரோனா வைரஸ் தாக்குதலுக்கு பலியானவர்களின் எண்ணிக்கை 1 லட்சத்தை நெருங்கி வருகிறது.
தற்போது வரை,உலகில் 1,95,24,66 பேருக்கு வைரஸ் தொற்று உறுதி செய்யப்பட்டுள்ளது. வைரஸ் பாதிக்கப்பட்டவர்களில் 62,67,252 பேர் மருத்துவமனைகளில் சிகிச்சை பெற்று வருகின்றனர். மேலும் சிகிச்சை பெறுபவர்களில் 65,098 பேரின் உடல்நிலை மோசமாக உள்ளது. இந்த கொரோனா வைரஸால் பாதிக்கப்பட்டு, 1 கோடியே 20 லட்சத்துக்கும் அதிகமானோர் சிகிச்சைக்கு பின் பூரண குணமடைந்து வீடு திரும்பியுள்ளனர். ஆனாலும், உலகம் முழுவதும் இந்தக் கொடிய வைரஸ் தாக்குதலுக்கு இதுவரை 7,22,959 பேர் உயிரிழந்துள்ளனர் என்பது வருத்தமளிப்பதாக உள்ளது.
கொரோனாவால் பாதிக்கப்பட்டு அதிக உயிரிழப்பை சந்தித்த நாடுகள்:
அமெரிக்கா – 1,64,094,பிரேசில் – 99,702
மெக்சிகோ-50,517,இங்கிலாந்து-46,511
இந்தியா – 41,585, இத்தாலி – 35,190
பிரான்ஸ் – 30,324, ஸ்பெயின் – 28,503
பெரு – 20,424 ஆக உள்ளது.