திருமணம்…. தொலைதூர பயணத்திற்கு….. அரசு பேருந்து இயக்கப்படும்! போக்குவரத்து கழகம் தகவல்….!!

தமிழகத்தில் ஒப்பந்த ஊர்தி அடிப்படையில் பேருந்துகள் இயக்கப்படும் என அரசு விரைவு போக்குவரத்து கழகம் தெரிவித்துள்ளது. 

கொரோனா பாதிப்பை கட்டுப்படுத்துவதற்காக மத்திய மாநில அரசுகளும், சுகாதாரத்துறை அதிகாரிகளும் பல்வேறு நடவடிக்கைகளைத் தொடர்ந்து மேற்கொண்டு வருகின்றனர். இதனுடைய பாதிப்பை கட்டுப்படுத்துவதற்காக, தமிழகத்தில் ஆகஸ்ட் 31-ஆம் தேதி வரை ஊரடங்கை  தளர்வுகளுடன்  நீட்டித்து தமிழக முதல்வர் எடப்பாடி பழனிச்சாமி அவர்கள் உத்தரவிட்டுள்ளார். இதனால் போக்குவரத்து உள்ளிட்ட பல சேவைகளுக்கு அளிக்கப்பட்டிருந்த தடை தொடர்ந்து நீட்டிக்கப்பட்டுள்ளது.

இதனால் போக்குவரத்து தடைபட்டுள்ளது. மக்களின் போக்குவரத்து பயணங்கள் பாதிக்கப்பட்டுள்ளது. இந்நிலையில்  தொழில் நிறுவனங்களின் தொழிலாளர்களை குழுவாக அழைத்து வருவதற்கு குறைந்த கட்டணத்தில் 40க்கும் மேற்பட்ட பேருந்துகள் இயக்கப்படுவதாக  அரசு விரைவு போக்குவரத்து கழகம் தற்போது தகவல் ஒன்றை தெரிவித்துள்ளது. அதேபோல், திருமணம் போன்ற பல்வேறு நிகழ்ச்சிகளுக்கும், தொலை தூரம் பயணம் மேற்கொள்வதற்கும் ஒப்பந்த ஊர்தி அடிப்படையில் பேருந்து இயக்கபடுவதாக  விளக்கமளித்துள்ளது.