இந்தியாவின் சுதந்திர தினத்தை முன்னிட்டு நியூயார்க் டைம்ஸ் சதுக்கத்தில் நமது நாட்டின் தேசியக்கொடி முதன்முறையாக ஏற்றப்படுகிறது.
இந்தியாவில் வருகின்ற ஆகஸ்ட் 15ம் தேதி சுதந்திர தினம் கொண்டாடப்பட இருக்கிறது. உலகம் முழுவதிலும் இருக்கும் இந்தியர்கள் அனைவரும் சுதந்திர தினத்தை சிறப்பாக கொண்டாடி மகிழ்வார்கள். இந்த நிலையில் இந்தியாவின் சுதந்திர தினத்தை முன்னிட்டு நியூயார்க்கில் இருக்கின்ற டைம்ஸ் சதுக்கத்தில் நமது நாட்டின் தேசியக் கொடி ஏற்றப்பட இருக்கின்றது. அமெரிக்காவின் நியூயார்க் மற்றும் நியூஜெர்சி உள்ளிட்ட பல மாகாணங்களில் வசித்துக் கொண்டிருக்கும் இந்தியர்கள் நியூயார்க்கில் உள்ள புகழ்பெற்ற டைம்ஸ் சதுக்கத்தில் நமது நாட்டின் தேசியக் கொடியான மூவர்ணக் கொடியை ஏற்றுவதற்கு முடிவு செய்துள்ளனர்.
அந்த விழாவில் அமெரிக்க வாழ் இந்தியர்களும் கலந்து கொள்கின்றனர்.அமெரிக்காவின் புகழ்பெற்ற முக்கிய சுற்றுலாத்தலங்களில் நியூயார்க் டைம்ஸ் சதுரங்கமும் ஒன்றாக கருதப்படுகிறது. அங்கு மூவர்ண கொடி ஏற்றும் விழா நடைபெறுவது இதுவே முதன்முறையாகும். இதற்கு முன்னதாக கடந்த ஐந்தாம் தேதி நடந்த அயோத்தி ராமர் கோயில் அடிக்கல் நாட்டு விழாவின் போது நியூயார்க் டைம்ஸ் சதுக்கத்தில் ராமர் கோயில் பூமி பூஜை படங்கள் 3d முறையில் காட்சி அளிக்கப்பட்டன.