பிரேசிலில் கொரோனாவால் பாதிக்கப்பட்டவர்களின் எண்ணிக்கை 31.50 லட்சத்தை எட்டியது.
சீனாவின் வுகான் நகரில் கடந்த ஆண்டு டிசம்பர் மாதம் இறுதியில் தோன்றிய கொரோனா வைரஸ், தற்போது உலகின் 210-க்கும் மேற்பட்ட நாடுகளுக்கு பரவி பெரும் உயிர் இழப்புகளை ஏற்படுத்தி கொண்டிருக்கிறது. இந்த நிலையில், பிரேசிலில் ஒரே நாளில் மட்டும் 58 ஆயிரத்துக்கும் மேலானவர்களுக்கு கொரோனா உறுதிசெய்யப்பட்டுள்ளது. அதனால், அங்கு கொரோனாவால் பாதிக்க பட்டவர்களின் எண்ணிக்கை 31.70 லட்சத்தை எட்டியுள்ளது.
மேலும் ஒரே நாளில் மட்டும் 1,160-க்கும் அதிகமானோர் உயிரிழந்ததை தொடர்ந்து, அங்கு கொரோனாவால் உயிரிழந்தவர்களின் எண்ணிக்கை 1.04 லட்சத்தை கடந்துள்ளது. கொரோனாவில் இருந்து குணமடைந்தவர்களின் எண்ணிக்கை 23 லட்சத்தை கடந்திருக்கிறது.