தமிழகத்தை அச்சுறுத்தும் கொரோனா பலி எண்ணிக்கை …!!

தமிழகத்தில் தொடர்ந்து 10வது நாளாக கொரோனா பலி எண்ணிக்கை 100 ஐ கடந்துள்ளது.

தமிழ்நாட்டில் கொரோனா வைரஸ் தொற்று வேகமாக பரவி வருகிறது. நேற்று ஒரே நாளில் 5,871 பேருக்கு வைரஸ் தொற்று பரவியிருப்பது மருத்துவ பரிசோதனையில் உறுதி செய்யப்பட்டுள்ளது. கொரோனா வைரஸால் இதுவரை பாதிக்கப்பட்டுள்ளோரின் எண்ணிக்கை 3,14,520 ஆக உயர்ந்துள்ளது. நேற்று ஒரே நாளில் கொரோனா வைரஸ் காரணமாக 119 பேர் உயிரிழந்தனர். இவர்களில் 41 பேர் தனியார் மருத்துவமனைகளிலும், 78 பேர் அரசு மருத்துவமனைகளிலும் மரணமடைந்ததாக தமிழக சுகாதாரத் துறையின் மருத்துவ அறிக்கையில் தெரிவிக்கப்பட்டுள்ளது.

இவர்களுடன் சேர்த்து தமிழகத்தில் இதுவரை உயிரிழந்தோர் எண்ணிக்கை 5, 278 ஆக அதிகரித்துள்ளது. சென்னையில் நேற்று ஒரே நாளில் 993 பேருக்கு வைரஸ் தொற்று பரவியுள்ளது. இவர்களுடன் சேர்த்து சென்னையில் இதுவரை 1,12,059 பேர் கொரோனா வைரஸால் பாதிக்கப்பட்டு உள்ளனர். தமிழகத்தில் நேற்று 5, 633 பேர் சிகிச்சை முடிந்து வீடு திரும்பினார். இதன் மூலம் 2,56, 313 பேர் சிகிச்சை முடிந்து வீடு திரும்பியுள்ளனர். தமிழகத்தில் நேற்று அனைத்து மாவட்டங்களிலும் கொரோனா தொற்று ஏற்பட்டுள்ளது.