பிரேசிலை உலுக்கும் கொரோனா…கடந்த 24 மணி நேரத்தில் மட்டும் 60,091 பேர் பாதிப்பு…!!!

பிரேசிலில் கடந்த 24 மணி நேரத்தில் மட்டும் 60,091 பேருக்கு கொரோனா தொற்று உறுதி செய்யப்பட்டுள்ளது.

உலக அளவில் கொரோனாஅதிகம் பாதிக்கப்பட்ட நாடுகளின் பட்டியலில் அமெரிக்காவைத் தொடர்ந்து பிரேசில் இரண்டாம் இடத்தில் இருக்கிறது. பிரேசில் அரசு  தீவிர பாதுகாப்பு நடவடிக்கைகளை மேற்கொண்டு வந்தாலும் , ஆரம்ப காலத்தில் அங்கு நிலவிய அலட்சியப் போக்கு காரணமாக கொரோனா தொற்று எண்ணிக்கை அதிகரிக்கத் தொடங்கியது.

இந்த நிலையில் கடந்த 24 மணி நேரத்தில் மட்டும் 60,091 பேருக்கு  கொரோனா பாதிப்பு  உறுதி செய்யப்பட்டுள்ளதாக அந்நாட்டின் சுகாதார அமைப்பு தகவல் வெளியிட்டுள்ளது. அதன் மூலம் பிரேசிலில் மொத்த பாதிப்பு எண்ணிக்கை 32,24,876 ஆக உயர்ந்துள்ளது. கடந்த 24 மணி நேரத்தில் 1,261 பேர் பலியானதை தொடர்ந்து, மொத்த உயிரிழப்பு எண்ணிக்கை 1,05,463 ஆக உயர்ந்துள்ளது. பிரேசில் நாட்டில் தற்போது வரை 23,56,640 பேர் கொரோனா பாதிப்பில் இருந்து குணமடைந்து வீடு திரும்பியுள்ளனர்.