தேனி மாவட்டத்தின் பல இடங்களில் ‘அடுத்த முதல்வர் ஓபிஎஸ்’ என்று ஒட்டப்பட்டுள்ள போஸ்டர் கிழிக்கப்பட்டுள்ளது.
தமிழகத்தில் அடுத்த 2021ஆம் ஆண்டு சட்டசபை தேர்தல் நடைபெற உள்ளது. திமுக மற்றும் அதிமுக இடையே கடும் போட்டி நிலவும் என எதிர்பார்க்கப்படுகிறது. இதனிடையே அதிமுகவின் அடுத்த முதல்வர் வேட்பாளர் யார்? என்ற சர்ச்சை எழுந்துள்ளது.. கடந்த சில நாட்களாகவே இது அதிமுகவில் பெரும் சலசலப்பை ஏற்படுத்தி வருகின்றது..
இது தமிழகத்தில் பேசு பொருளாகி வருகிறது. இந்த சர்ச்சை அடங்குவதற்குள் மேலும் வலு சேர்க்கும் வகையில், இன்று தேனி மாவட்டத்தின் பல இடங்களில் ‘அடுத்த முதல்வர் ஓபிஎஸ்’ என்று போஸ்டர் ஒட்டப்பட்டுள்ளதால் பரபரப்பு ஏற்பட்டது.
இந்த நிலையில் தேனி பெரியகுளம் தென்கரையில் ஓபிஎஸ் இல்லம் அருகே ஒட்டப்பட்ட போஸ்டர்கள் கிழிக்கப்பட்டுள்ளது.. இதனிடையே மூத்த அமைச்சர்களுடன் துணை முதல்வர் ஓ. பன்னீர் செல்வம் தற்போது அவரது இல்லத்தில் ஆலோசனை நடத்தி வருகிறார் என்பது குறிப்பிடத்தக்கது.