சுற்றுச்சூழல் தாக்க வரைவு குறித்து ஆய்வு செய்ய குழு – தமிழக அரசு உத்தரவு…!!

சுற்றுச்சூழல் தாக்கம் வரைவு குறித்து ஆய்வு செய்ய குழு அமைத்தது தமிழக அரசு உத்தரவிட்டுள்ளது. மத்திய  அரசு கொண்டு வந்துள்ள சுற்றுச்சூழல் தாக்க மதிப்பீட்டு வரைவு அறிக்கை 2020 பெரும் விவாதத்தை உருவாக்கி இருக்கிறது.

சுற்றுச்சூழல் செயற்பாட்டாளர்கள் இந்த வரைவு அறிவிக்கையை கடுமையாக எதிர்த்து வருகிறார்கள். மார்ச் மாதம் வெளியிடப்பட்ட இந்த வரைவு அறிவிக்கை பல்வேறு திட்டங்களுக்கு சுற்றுச்சூழல் அனுமதி வழங்கும் முறைகளைக் கொண்டு உள்ளது. இதற்கு பரவலாக எதிர்ப்புகள் கிளம்பியுள்ளன.

இந்நிலையில் சுற்றுச்சூழல் தாக்க வரைவு குறித்து ஆய்வு செய்ய குழு அமைத்தது தமிழக அரசு உத்தரவிட்டுள்ளது. இதில் வனத்துறை கூடுதல் தலைமை செயலாளர் தலைமையில் 12 பேர் கொண்ட குழு நியமனம் செய்யப்பட்டு உள்ளது. மேலும் மாசு கட்டுப்பாட்டு வாரிய தலைவர், பொதுப்பணித்துறை தலைமை செயலாளர் உள்ளிட்டோர் இந்தக் குழுவில் இடம் பிடித்துள்ளனர்.