காங்கிரஸ் கட்சியின் மூத்த தலைவர் ப.சிதம்பரம் சுதந்திர தின நாள் வாழ்த்துக்களை தனது ட்விட்டர் பக்கத்தில் தெரிவித்துள்ளார்.
74-வது சுதந்திர தினத்தை இந்திய மக்கள் வெகு விமர்சையாக கொண்டாடி வருகின்றனர். அரசு அலுவலகங்கள், பள்ளி, கல்லூரிகள் உள்ளிட்ட இடங்களில் மிகவும் பாதுகாப்பாக ஊழியர்களைக் கொண்டு சுதந்திர தின விழா கொண்டாடப்பட்டது. மேலும் சுதந்திர தினத்திற்கு பல பிரபலங்களும், அரசியல் கட்சித் தலைவர்களும் தங்களது வாழ்த்துகளை தொடர்ந்து சமூகவலைத்தளங்களில் பதிவிட்டு வருகின்றனர். அந்த வகையில்,
சுதந்திர தினத்தை முன்னிட்டு, காங்கிரஸின் மூத்த தலைவர் ப.சிதம்பரம் தனது ட்விட்டர் பக்கத்தில், எந்த நாட்டில் மக்கள் சுதந்திர மனிதர்களாக இருக்கிறார்களோ அந்த நாடே சுதந்திர நாடு. சுதந்திரம் அல்லது விடுதலை என்பது அச்சத்திலிருந்து விடுதலை. வறுமையிலிருந்து விடுதலை. அடக்குமுறையிலிருந்து விடுதலை. அனைவருக்கும் என் சுதந்திர நாள் வாழ்த்துக்கள் என பதிவிட்டுள்ளார்.