டெலிகிராம் செயலியில் புதிய அம்சமாக வீடியோ கால் வசதி அறிமுகப்படுத்தப்பட்டுள்ளது.
டெலிகிராம் செயலியில் வாய்ஸ் கால் அறிமுகம் செய்யப்பட்டு நான்கு ஆண்டுகள் ஆகிவிட்டது. இந்நிலையில் வீடியோ கால் அம்சம் தற்போது வழங்கப்பட உள்ளது. முன்னதாக டெலிகிராம் பீட்டா பதிப்பில் வீடியோ கால் வழங்கப்பட்டது குறிப்பிடத்தக்கது. டெலிகிராம 7.0.0 வெர்ஷனில் புதிய வீடியோ கால் அம்சம் வழங்கப்பட்டுள்ளது. இந்த அப்டேட்டில் வீடியோ கால் மட்டுமல்லாமல் அனிமேட்டட் இமேஜ் அம்சமும் வழங்கப்பட்டுள்ளது. இந்த வீடியோ கால் அம்சத்தை இயக்க காண்டாக்ட் ப்ரொபைல் பக்கம் சென்று வீடியோ கால் பட்டனை கிளிக் செய்தால் போதும்.
தற்சமயம் இந்த இன்டர்பேஸ் எளிமையாக வழங்கப்பட்டுள்ளது. இதில் வீடியோ ஆன் அல்லது ஆஃப் செய்வது மற்றும் வீடியோ மற்றும் வாய்ஸ் கால்களுக்கிடையே மாற்றிக்கொள்ளும் வசதியும் வழங்கப்பட்டுள்ளது. இந்த அம்சத்தில் பிச்சர் இன் பிக்சர் மோட் வழங்கப்பட்டுள்ளது. இதைக்கொண்டு டெலிகிராம் ஷாட்களில் ஸ்கிரோல் செய்வதுடன் வீடியோ பாஸ் செய்யாமல், மல்டி டாஸ்கிங் செய்யும் வசதியும் பயனர்களுக்கு வழங்கப்படுகிறது. அனைத்து அழைப்புகளும் முழுமையாக என்கிரிப்ஷன் செய்யப்படுகிறது. டெலிகிராம் செயலியில் குரூப் வீடியோ கால் செய்வதற்கான வசதி எதிர்காலத்தில் வழங்கப்படும் என தெரிகிறது.