“மத்திய அரசு வேலைகள் அனைத்தும் மாநில மக்களுக்குதான்”… முதல்வர் சிவராஜ் சிங்… !!

மத்தியப் பிரதேசத்தின் அனைத்து அரசு வேலைவாய்ப்புகளும் மாநில மக்களுக்காக ஒதுக்கப்படும் என அம்மாநில முதல்வர் சிவராஜ் சிங் சவுகான் தெரிவித்துள்ளார்.

மத்தியப் பிரதேச மாநிலம் போபாலில் ஆகஸ்ட் 15ஆம் தேதி நடைபெற்ற சுதந்திரதின விழாவில் பேசிய அம்மாநில முதல்வர் சிவராஜ் சிங் சவுகான்,  “ஒற்றை குடிமக்கள் கணக்கீடுக்கு மாநில அரசு தயாராகிவருகிறது. அதனால், ஒவ்வொரு சலுகைக்கும் மாநில மக்கள் தனித்தனியாக பதிவு செய்திருக்க வேண்டாம். அரசு வேலையில் மாநில மக்களுக்கு முன்னுரிமை வழங்கப்படும் என்று தெரிவித்தார்.

இந்தநிலையில், இந்த விவகாரம் தொடர்பாக இன்று பேசிய சிவராஜ் சிங் சவுகான், “அனைத்து மத்தியப் பிரதேச அரசு வேலைகளும் இனிமேல் மாநில மக்களுக்காக ஒதுக்கப்படும். இதுதொடர்பான சட்டத்திருத்தங்கள் விரைவில் கொண்டுவரப்படும். மத்தியப் பிரதேச இளைஞர்களுக்கு முக்கியத்துவம் வழங்கப்படும். வேலைவாய்ப்புகள் பற்றாக்குறை இருக்கும்போது, மாநில இளைஞர்கள் மீது அக்கறை எடுத்துக் கொள்வது நம்முடைய கடமை” இவ்வாறு அவர் தெரிவித்துள்ளார்.