நிசப்தம் எனும் படம் ஓடிடி தளத்தில் வெளியாகும் என தகவல்கள் வெளியாகியுள்ளது.
மாதவன், அனுஷ்கா, அஞ்சலி ஆகியோர் நடித்து ஹேமந்த் மதுகர் இயக்கத்தில் உருவாகியுள்ள படம் “நிசப்தம்”. தமிழ், தெலுங்கு, ஆகிய மொழிகளில் வெளியாக இருக்கிறது. மாதவன் மற்றும் அனுஷ்கா “ரெண்டு” படத்திற்கு பிறகு இப்படத்தில் இணைந்து நடித்துள்ளார்கள். இதன் படப்பிடிப்பு 2018 ல் தொடங்கியது. இப்படம் ஏப்ரல் 2 அன்று வெளியாகும் என அறிவிக்கப்பட்டிருந்தது. கொரோனா காரணமாக இதன் வெளியீடு தள்ளி வைக்கப்பட்டது. இந்நிலையில் இப்படம் ஓடிடி தளத்தில் வெளியாகும் என தகவல்கள் தெரிவிக்கின்றன.
இப்படத்தின் தயாரிப்பாளர் கோனா வெங்கட், சமீபத்தில் ரசிகர்களிடம் ட்விட்டரில் கேள்வி ஒன்று எழுப்பி இருந்தார். “நிசப்தம்: படத்தை திரையரங்கில் பார்க்க அடுத்த வருடம் ஜனவரி, பிப்ரவரி வரை காத்திருக்க வேண்டும் என்றால் படத்தை எங்கு பார்க்க வேண்டும் என விரும்புகிறீர்கள்? என்று கேட்டத்தோடு அனைவரையும் திருப்திப்படுத்த முயல்கின்றோம். உங்களின் பதில் எங்களுக்கு மிகவும் உபயோகமாக இருக்கும் என்றும் அவர் கூறியுள்ளார். இதுதொடர்பாக 56.5% ரசிகர்கள் ஓடிடியில் படம் பார்க்க விரும்புவதாக பதிலளித்துள்ளனர். இதனால் விரைவில் ஓடிடியில் “நிசப்தம்” படம் வெளியாகும் என எதிர்பார்க்கப்படுகிறது.