டெல்லியில் இன்று ஒரே நாளில் 1,398 பேருக்கு கொரோனா பாதிப்பு உறுதி செய்யப்பட்டுள்ளது.
டெல்லியில் முதலில் அதிகரித்துக் கொண்டிருந்த கொரோனா பாதிப்பு கடந்த சில நாட்களாக குறைந்து கொண்டே வருகிறது. இந்நிலையில் டெல்லி சுகாதாரத்துறை சார்பில் வெளியிட்டுள்ள அறிக்கையில், “டெல்லியில் இன்று ஒரே நாளில் 1,398 பேருக்கு கொரோனா பாதிப்பு உறுதி செய்யப்பட்டுள்ளதால், மொத்த பாதிப்பு எண்ணிக்கை 1,56,139 ஆக உயர்ந்துள்ளது. மேலும் மாநிலத்தில் நேற்று ஒரே நாளில் 9 பேர் உயிரிழந்ததால், மொத்த உயிரிழப்பு எண்ணிக்கை 4,235 ஆக அதிகரித்துள்ளது.
டெல்லியில் இன்று ஒரே நாளில் 1,320 பேர் கொரோனாவில் இருந்த குணமடைந்து வீடு திரும்பியுள்ளனர். அதனால் குணமடைந்தவர்களின் மொத்த எண்ணிக்கை 1,40,767 ஆக இருக்கின்றது. அதே சமயத்தில் கொரோனாவால் பாதிக்கப்பட்ட 11,137 பேர் மருத்துவமனையில் சிகிச்சை பெற்று வருவதாக டெல்லி சுகாதார துறை கூறியுள்ளது.