கைலாச நாட்டிற்கான புதிய தங்க நாணயங்களை வெளியிட்டு இருப்பதாக சர்ச்சை சாமியார் தெரிவித்துள்ளார்.
கைலாசம் என்ற நாட்டை தான் உருவாக்கி உள்ளதாக கூறி வரும் நித்தியானந்தா, ஏற்கனவே, ஆட்கடத்தல், கொலை வழக்கு, பாலியல் குற்றம் என பல்வேறு சர்ச்சை வழக்குகளில் சிக்கி தலைமறைவாக இருக்கிறார். இந்நிலையில் கைலாசாவுக்கென ரிசர்வ் வங்கி, கரன்சிகள் என அடுத்தடுத்து அறிவிப்பு வெளியிட்ட அவர், விநாயகர் சதுர்த்தியன்று அவர் கண்டறிந்ததை அறிமுகம் செய்ய இருப்பதாக கூறியிருந்தார்.
அதன்படி, சமூகவலைதளத்தில் புதிய தங்க நாணயங்களை அவர் அறிமுகப்படுத்தி இருக்கிறார். கால் காசு முதல் 10 காசு வரை 5 வகை தங்க நாணயங்களை வெளியிட்டுள்ள அவர், இந்த காசுகளை வைத்து உலகின் 56 இந்து நாடுகளோடு வர்த்தகம் செய்ய போவதாகவும் தெரிவித்துள்ளார். அதுமட்டுமில்லாமல் விரைவில் கைலாசாவுக்கான பாஸ்போர்ட் குறித்த அறிவிப்பும் வெளியாக இருப்பதாக கூறப்படுகிறது.