கேரளாவில் தொடரும் “தங்க கடத்தல்”… 1.69 கிலோ தங்கம் பறிமுதல்…!!

கோழிக்கோடு விமான நிலையத்தில் ஒரு பயணியிடம்  1.69 கிலோ மதிப்புள்ள தங்கம் பறிமுதல் செய்யப்பட்டது.

கேரள மாநிலத்தில் தற்போது அடிக்கடி தங்க கடத்தல் விவகாரம் தீவிரமாக நடைபெற்று வருகிறது. அதிகாரிகள் சோதனையில் ஈடுபட்டு கடத்தல்காரர்களை கைது செய்து தான் வருகின்றனர். அந்நிலையில் கோழிக்கோடு விமான நிலையத்தில் வான் நுண்ணறிவுப் பிரிவினர் பயணிகளிடம் நேற்று சோதனை நடத்தினர்.

அப்போது, அந்த விமான நிலையத்தில் இருந்து வந்த பயணி ஒருவரின் உடமைகளை சோதனை செய்து பார்த்தபோது அவர் மறைத்து எடுத்துவந்திருந்த 1.69 கிலோ எடையுள்ள 24 கேரட் தங்கம் அதிகாரிகளால் கைப்பற்றப்பட்டது. இதன் மதிப்பு 86.69 லட்சம் ரூபாயாகும். மேலும் தங்கம் கடத்தி வந்த இந்தப் பயணி ரியாத்திலிருந்து கோழிக்கோடு வந்துள்ளார். இவரிடம் அலுவலர்கள் மேற்கொண்டு யாருக்காவது தொடர்பு இருக்கிறதா? என்ற கோணத்தில் தீவிர விசாரணை நடத்தினர்.